មជ្ឈមណ្ឌលធនធានថ្មីជាវិថីឆ្ពោះទៅរកអនាគតដ៏ប្រសើរ!

Month: December 2015

កាត់លេខចាក់ឆ្នោត

កាត់លេខចាក់ឆ្នោត (បទពាក្យ៨) ០១. ឈឺគ្រុនក្នុងខ្លួនដេកលក់មិនស្រួល យល់សប្តប្រែប្រួលឃើញនេះឃើញនោះ មិនគិតរកពេទ្យឱ្យព្យាបាលសោះ នាំគ្នាពិគ្រោះ កាត់លេខចាក់ឆ្នោត។ ០២. ដើរៗផ្លាច់ៗទៅជាន់អាចម៍គោ ដួលខ្ពោកស្រែកហ៊ោប្រឡាក់ពេញខ្លួន គោកៅអាចម៍ខ្មៅត្រូវកៅប្រាំបួន មិនគិតលាងខ្លួន កាត់លេខចាក់ឆ្នោត។ ០៣. ម៉ូតូបុកគ្នាគេកាត់ផ្នែកស្រស់ អ្នកដួលស្លាប់រស់ក៏គេមិនខ្វល់ មិនខ្ចីជួយលើកបែរមកគិតកល ផ្ដោះប្ដូរយោបល់ កាត់លេខចាក់ឆ្នោត។ ​០៤. មានខ្លះញាតិខ្លួនត្រូវស្លាប់ប្រាសព្រាត់ លួចសួរតើគាត់អាយុប៉ុន្មាន ដឹងហើយកើតទុក្ខនឹកស្ដាយសន្ដាន ស្ងាត់ៗដកប្រាណ កាត់លេខចាក់ឆ្នោត។ ០៥. កូនធ្លាក់ពីលើផ្ទះទៅផ្កាប់ផ្ងារ ចុះទៅអីយ៉ាកូនអញឱ្យហេតុ កូនឈឺមិនគិតយកគ្នាទៅពេទ្យ លើកកូនដើរភ្លេត កាត់លេខចាក់ឆ្នោត។ ០៦. នេះរឿងខ្លះៗប្រទះឃើញមែន មេឈ្នះរាប់សែនរាប់លាន់រាប់កោដិ ឯអ្នកចាក់វិញអស់ៗព្រោះឆ្នោត ឆោតអើយៗឆោតៗអីយ៉ាងហ្នឹង។ ០៧. យូរៗត្រូវម្ដងធ្វើឯងឡួយណាស់ ល្មមគួរគិតខ្លះកុំនៅអ៊ីចឹង សេដ្ឋីព្រោះល្បែងមិនមានទេដឹង ណ្ហើយនាំគ្នាប្រឹងធ្វើការល្អជាង។ ០៨. គេបង្កើតឆ្នោតគេដឹងថាឈ្នះ ច្នេះកុំមានះគួរគិតគួររាង ព្រះពុទ្ធត្រាស់ថារឿងល្បែងត្រូវវាង ព្រោះអីអ្នកសាងមិនចម្រើនទេ។ ០៩. ខ្ញុំស្រឡាញ់ខ្មែរទើបខ្ញុំស្ថាបនា ​​បើមិនពិចារណ៍ក៏មិនអីដែរ តែសូមផ្ដាំថាកុំភ្លេចពាក្យខ្មែរ ពាក្យចាស់ថាមេមិននៅក្រោម…?។ និពន្ធដោយៈ យាន សំណាង… Read More ›

Rate this:

សូមអរព្រះគុណ និងអរគុណចំពោះការទស្សនា